རེབ་གོང་དུ་རང་ལུས་མེར་སྲེག་དང་སློབ་ཕྲུག་གི་ངོ་རྒོལ་བྱུང་བ།

༄༅། །ཕྱི་ལོ་ ༢༠༡༢ ཟླ་ ༡༡ ཚེས་ ༨ རེས་གཟའ་ཕུར་བུའི་ཉིན་རེབ་གོང་མདོ་བ་ཞང་ལྡེང་ངེ་འབྲོག་སྡེ་ནས་ཡིན་པ་སྦྱིན་པའམ་སྤྱིན་པ་རྒྱ་མཚོ་ལགས་ཀྱིས། རང་ལུས་མེར་སྲེག་གིས་རྒྱ་ནག་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུགདེ་ཡང་དེ་རིང་ཕྱི་ཚེས་ ༨ ཉིན་གྱི་བོད་ནང་གི་ཆུ་ཚོད་ ༤།༠༠ ཡས་མས་སུ་རེབ་གོང་མདོ་བ་ཞང་ལྡེང་ངེ་འབྲོག་སྡེའི་རང་ལོ་ ༡༨ ཡིན་པའི་སྦྱིན་པ་རྒྱ་མཚོ་ལགས་ཀྱིས། རེབ་གོང་རོང་བོ་དགོན་ཆེན་གྱི་འདུ་ཁང་གི་འཆམ་རའི་ནང་ནས་ལུས་ལ་སྣུམ་བླུགས་ཏེ་རང་ལུས་མེར་སྲེག་བཏང་རྗེས་སྐད་འབོད་བྱེད་བཞིན་ཕྱིར་སྒྲོལ་མ་ཐང་ཆེན་ཕྱོགས་སུ་བརྒྱུགས་བཞིན་པར་འདས་གྲོངས་སོང་བའི་གནས་ཚུལ་ཐོན་འདུགདེ་བཞིན་ཁ་སང་རེབ་གོང་མདོ་བ་ཞང་ཁོངས་སུ་རྟ་མགྲིན་མཚོ་ལགས་ནས་རང་ལུས་མེར་སྲེག་རྗེས་མདོ་བ་ཞང་སློབ་ཆུང་གི་སློབ་ཕྲུག་ཚོས་ངོ་རྒོལ་སྐད་འབོད་བྱས་པའི་གནས་ཚུལ་ཐོན་ཡོད་པ་མ་ཟད།  དེ་རིང་སླར་ཡང་མདོ་བ་ཤང་སློབ་ཆུང་གི་སློབ་ཕྲུག་ཚོས་སློབ་གྲྭའི་ནང་བཙུགས་པའི་དར་དམར་ཕབ་སྟེ་ངོ་རྒོལ་སྐད་འབོད་བྱས་པ་མ་ཟད།  མདོ་བ་ཞང་ཐོག་ཏུ་བཙུགས་པའི་དར་དམར་ཡང་ཕབ་སྟེ་ངོ་རྒོལ་སྐད་འབོད་ཤུགས་ཆེ་བྱས་ཡོད་པར་བརྟེན་སློབ་གྲྭས་ཁྱིམ་བདག་ལ་ཕྲུ་གུ་ནང་དུ་ལེན་དགོས་པའི་བརྡ་ཐོ་བཏང་ཡོད་འདུགདེ་རིང་སྦྱིན་པ་རྒྱ༌མཚོ་ལགས་ནས་རང་ལུས་མེར་སྲེག་གི་གནས་ཚུལ་བྱུང་རྗེས་རོང་བོ་དགོན་པའི་དགེ་འདུན་པ་དང་ས་གནས་མི་མང་གིས་ཁོང་གི་སྐུ་ཕུང་རྒྱ་ལག་ཏུ་ཤོར་མ་བཅུག་པར་སྐུ་ཕུང་གདོང་རྒྱལ་ཀླད་དུ་གདན་འདྲེན་ཞུས་ཡོད་འདུག་ལ། སྐབས་དེར་བོད་མི་སེར་སྐྱ་སྟོང་ཕྲག་ཁ་ཤས་འཛོམས་ཡོད་འདུག་པ་དང་།  ད་ལྟ་ས་གནས་སུ་དམ་དྲག་ཆེན་པོ་ཡོད་པ་མ་ཟད།  དྲག་ཆས་ཉེན་རྟོག་པའི་རླངས་འཁོར་ཆེ་གྲས་ཁག་བདུན་ཙམ་མདོ་བ་ཤང་ཕྱོགས་སུ་དྲག་གནོན་ཆེད་འབྱོར་བཞིན་ཡོད་འདུགསྦྱིན་པ་རྒྱ་མཚོ་ལགས་ཀྱི་ཕ་མིང་ལ་གཅོད་པ་དང་། མ་མིང་ལ་བདེ་མཆོག་སྐྱིད་འབོད་ཀྱི་ཡོད་འདུག  ཁོང་ལ་སྤུན་མཆེད་བུ་གསུམ་དང་བུ་མོ་གཅིག་བཅས་སྤུན་བཞི་ཡོད་འདུག་པ་བཅས།།

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

5 དང་ 2 སྡོམས་རོགས།