༢༠༡༣ ལོའི་གསུམ་བཅུའི་དུས་དྲན་སྲུང་བརྩི་འི་ཐད་ལ་གྲོས་བསྡུར་ཚོགས་འདུ་འཚོགས་པ།

ཁ་སང་ཕྱི་ཟླ་༡༡ པའི་ཚེས་༢༤ སྟེ་གཟའ་སྤེན་པའི་ཉིན། སྤེལ་ལྗམ་བོད་རིགས་ཚོགས་པའི་གོ་སྒྲིག་འོག་གྲོང་ཁྱེར་ཨན་ཁྲིེར་ཝར་ཕན་དུ། འཆར་ལོའི་གསུམ་བཅུའི་དུས་དྲན་སྲུང་བརྩིའི་ལས་འགུལ་དེ་ཡུ་རོབ་བོད་རིགས་ཚོགས་པ་ཁག་དང་བོད་དོན་ལས་འགུལ་ཚོགས་པ་ཁག་མཉམ་འབྲེལ་གྱིས་སྤེལ་ལྗམ་རྒྱལ་ས་སྤར་སིལ་དུ་གཞི་རྒྱ་ཆེ་བའི་འདུ་འཛོམས་རང་བཞིན་གྱི་ལས་འགུལ་ཞིག་སྤེལ་རྒྱུའི་ཐད་ལ་གྲོས་བསྡུར་ཚོགས་འདུ་འཚོགས་ཡོད་པ་དང་། ཚོགས་འདུ་དེར་ཡུ་རོབ་སྤྱི་འཐུས་རྣམ་གཉིས་དབུ་བཞུགས་ཐོག་ཡུ་རོབ་རྒྱལ་ཁབ་ཁག་བཅུ་སྟེ་༼སྤེལ་ལྗམ། དབྱིན་ལན། ཧོ་ལན་ཊི། ཧྥ་རན་སི། ཨི་ཊ་ལིས། སི་པན། སུད་སི། པོ་ལན་ཏྲི། འཇར་མན། ནོར་ཝེ༽བཅས་ཀྱི་བོད་རིགས་ཚོགས་པའི་ཚོགས་གཙོ་དང་རྒྱུན་ལས་སྐུ་ཚབ། བོད་དོན་ལས་འགུལ་ཚོགས་པ་༼སྤེལ་ལྗམ་ས་གནས་གཞོན་ནུ། ས་གནས་ཆུ་སྒང་། སིད་སུ་མི་རབས་གསར་བའི་མཐུན་ཚོགས། རྒྱ་བོད་མཛའ་འབྲེལ་ཚོགས་པ། སུད་བོད་མཛའ་འབྲེལ་ཚོགས་པ་༽ཁག་གི་སྐུ་ཚབ་བཅས་མི་གྲངས་སུམ་ཅུ་ཙམ་འངོ་ཕེབས་འདུ་འཛོམས་བྱུང་ཡོད་ལ། ཚོགས་ཐོག་ཏུ་འཆར་ལོའི་གསུམ་བཅུའི་དུས་དྲན་སྲུང་བརྩི་ཚགས་ཚུད་ཡོང་བར་ཚོགས་ཆུང་ཟུར་འཛུགས་ཀྱིས་ཚོགས་མི་གཏན་འབེབས་དང་། དུས་དྲན་སྲུང་བརྩི་དང་འབྲེལ་ཡུ་རོབ་མཉམ་འབྲེལ་སྒྲིག་འཛུགས་ཀྱི་ཆེས་མཐོའི་ལྷན་ཁང་ཁག་ནང་ལ་བོད་དོན་ཞུ་གཏུགས་ཀྱི་ལས་འགུལ་སྤེལ་རྒྱུ། རྒྱ་ནག་གི་དཔོན་རིགས་གསར་བར་དགོས་འདུན་ཞུ་ཡིག་གཏོང་རྒྱུ་བཅས་གྲོས་ཆོད་ཁག་བཅུ་ཙམ་བཞག་ཡོད་པ་དང་། ཚོགས་བཅར་མ་ཐུབ་ཀྱང་ཚོགས་འདུའི་ཐག་གཅོད་ལ་རྒྱབ་སྐྱོར་ཡོད་པའི་བརྡ་ལནགསལ་འབྱོར་བྱུང་བ་༼ཨོ་སི་ཁྲི་རི་ཡ། ཊན་མག སུད་ཝེ་ཏན། ཨེ་ཨར་ལན་ཊི། ཨུ་རུ་སུ༽བཅས་ཀྱི་བོད་རིགས་ཚོགས་པ་རྣམས་ཡོད་འདུག

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

8 དང་ 1 སྡོམས་རོགས།